رينو لوجان 2012 رمادي أوتوماتيك مستعملة للبيع في القاهرة الكبرى ( القاهرة - الجيزة)

سيارة رينو لوجان اوتوماتيك ٢٠١٢ الشكل القديم لون رمادى غامق بحالة جيدة جدا واستخدام بيتى العربية لسة مصروف عليها شهر ٧/ ٢٠٢٦ حوالى ٥٠ الف تجديد معظم مافى السيارة ( تغيير ٤ مساعدين ومقاصات وتغيير مجموعة الكاتينة اصلى توكيل ومجموعة السير توكيل اصلى وقاعدة فتيس جديدة وقاعدة موتور جديدة وطرمبة مياه وطرمبة باور وجوان كارتيرة الزيت وبطاحات كل الحاجات وغيرها كتير فى شهر ٧/ ٢٠٢٦ يعنى لسة من شهر والعربية ممتازة بصراحة واقتصادية فى البنزين جدا وواسعة جدا عائلية لكن انا هبيع للاسف بسبب الورش بتاعت الصنايعية بتاعتها حوارات منهم كتير وللاسف ماليش طاقة وللامانة العربية مافيها الخبطة فى اسفل الباب اللى شايفنها وكنت هروح اعملها وكان تكلفتها ١٠٠٠ ج بس بصراحة سيبتها للى ياخدها يعملها والعربية اول مرة تترش من ساعة الصنع كان من ٥ سنين رش نظافة والتكليح كان جامد وللامانة الطابلوة من الشمس احترق حتة صغيرة من الفيبر تحت اسفل الزجاج يمين هتحتاج حد بتاع فيبر يعملها او تتلزق مش قصة وسبب البيع زى ماقلت الصنايعية العربية ماشية كويس الدركسيون تقل شوية قالولى طرمبة غيرت طرمبة الباور وللامانة انا جيبتها جديدة صينى لانهم قالوا افضل من الاستيراد واتعالجت بنسبة ٥٠ ٪؜ والدركسيون اتحسن كتير جدا جدا ولكن للامانة مش زى الاول انا بقول اللى فيها عشان اراعى ربنا والحاجة التانية العربية شغالة زى الفل وبتجرى لحد ١٣٠ كم وثبات كمان لانى عملتلها ظبط زوايا وترصيص بالكامل لكن فى عيب لسة ظهر مابين سرع ٤٠ الى ٦٠ العربية تنتش الار بى ام يطلع وينزل فى لحظتها وتريح رجلك مع البنزين واحدة واحدة وتطلع وتشتغل وتسحب معاك كمان لحد ١٤٠ كم سرعة مفيش اى حاجة وانا كنت لسة مسافر بيها ورجعت زى الفل الحمد وروحت للورش اللى بتعامل معاها قالى هنزل زيت الفتيس ودة اكيد منه وزود عدد ٢ كيلو زيت فتيس قالى العيب كان من دة وطلعت جربت والمشكلة زى ماهى وروحت مركز اخر سجل على الكمبيوتر انه فى عطل فى حساس الضغط بتاع الفتيس وشالوه ولاقه فعلا النحاس داخل على بعضه ومفيش عزل خالص على السلك واكد انه هو دة السبب لان هو دة حساس الضغط وبعد عزله من جديد ركبنا وطلعنا نجرب لاقينا العيب زى ماهو قالى تعالى تانى يوم هجيبلك حساس ضغط استيراد واشترى انت كمان ماكينة استوب صغير وبالفعل عملتا كدة ونفس المشكلة وكل مرة الكمبيوتر نفس العيب عطل حساس للضغط للامانة انا متاكد ان كهربا العربية هى اللى مبرجلة وعاملة كل دة للاسف العربية ممتازة والله بس منهم لله الصنايعية العربية محتاجة كهربائى بيفهم يشيل العطل بتاع الحساس دة ودة سبب البيع انى ماعرفش صنايعية للاسف لانى مكنتش بتعامل معاهم طول الفترة اللى فاتت من وقت شراء السيارة . لكن انا كنصيحة اخويا محدش يشترى رينو فى مصر الا لو معاه مركز متخصص رينو بالذات فى الكهربا والميكانيكا والعفشة الصراحة لان الرينو عاوز اللى فاهم السيارة رخصة مرور حدائق اكتوبر ورخصة شغال لحد شهر ٣ / ٢٠٢٨ المعاينة حدائق اكتوبر انا حبيت اقول كل حاجة بصراحة ونصيحتى اللى يشترى يكون فاهم رينو كويس وزى ماقولت يعرف صنايعية محترفة واسف للاطالة