دايو لانوس 2 2007 أسود مستعملة للبيع

دايو لانوس موديل 2007 مرور وادى النطرون – محافظة البحيرة الرخصة خالصة من شهر 7 اللي فات. العربية جابت ركبة يمين عندي (عيب معروف في اللانوس)، وكل ملاك اللانوس بيرشحوا اللحام، لكن أنا اشتريت ربع يمين استيراد كامل وأخدت منه الركبة وركبتها بالبرشام بتاعها ورجعتها على وضع بلادها. بعد كده العربية اتشدت من الألف للياء: • ضفيرة الموتور وضفيرة العربية اترممت بالكامل من الفيشة للفيشة وكل حاجة رجعت زي المصنع، والحساسات كلها زيرو. • الموتور عامل عمرة كاملة (أول عمرة ليه) وممشي بعد العمرة حوالي 1600 كم فقط. • الفتيس متغير استيراد بحالة الزيرو (فتيس دايو نوبيرا). • العفشة بالكامل متجددة وكل حاجة اتغيرت كانت أنضف حاجة يا إما أصلي يا كوري: مساعدين أمامي وخلفي، بطاحات، صوابع ميزان، بيض مقصات، كبالن داخلية وخارجية، موبينة، رشاشات استيراد، بوجيهات GM وسلوكها، ماستر علوي مصينه وسفلي استيراد، دينامو مرسيدس جديد، بطارية جديدة من 3 شهور (3200 جنيه)، وبلى العجل كله متغير. • مركب صدادات للمساعدين الأمامي والخلفي وعامل شداد محمل للركب عشان ميحصلش كسر الركب تاني. • تيل فرامل أمامي وخلفي جديد. بالنسبة للحالة: • فبريكة دواخل، ومرشوشة برة بسبب التعديل في الشكل الخارجي (ورشة برة كامل ما عدا السقف)، وكان فيها برومة بسيطة في الرفارف واتعملت. التعديل الخارجي: • اكصدام أمامي كساحة فايبر (موجود في البيت). • عتب فايبر جلاس. • ديفيوزر خلفي فايبر. • سبويلر شنطة بفانوس Stop شغال مع الفرامل. • جنوط 14 عريضة (عرض 9 بوصة) والسرة في النص. • كاوتش هانكوك الأربع فرد 185/60R14. • الشنطة بتفتح بالريموت عن طريق شدادات سوست. • طقم إنذار كامل جديد. • ديفيل صوته هادي وجميل. الكماليات: • شاشة LCD تاتش وبلوتوث. • طقم صوت بايونير + سوني في الشنطة. • مخدع للسائق. • ليد أرضيات بزرار مخفي وتحكم ريموت. ملاحظات: • خرطوم التكييف بايظ وأنا جايب واحد استيراد ولسه مركبتهوش (والتكييف تلاجة). • ترميم بسيط في رفرف يمين محتاج رش. • جزء معجون في الاكصدام الخلفي متقشر. العربية متشدودة بضمير، وكانت معمولة على أساس إني مش هبيعها. اللي حاببها بالحالة دي يتواصل معايا، واللي عايز لانوس ستوك بدون تعديلات البوست مش ليه.